లాక్ డౌన్ రివ్యూస్ : వాట్ ద లవ్(నెట్ ఫ్లిక్స్)

దర్శకుడు మరియు హోస్ట్: కరణ్ జోహార్

సిరీస్ డైరెక్టర్: నిశాంత్ నాయక్

ఎగ్జిక్యూటివ్ ప్రొడ్యూసర్: ప్రియా వాగల్

స్ట్రీమింగ్ ప్లాట్‌ఫాం: నెట్‌ఫ్లిక్స్

మన లాక్ డౌన్ రివ్యూస్ లో కరణ్ జోహాన్ వ్యాఖ్యాతగా నెట్ ఫ్లిక్స్ లో అందుబాటులో ఉన్న ఒరిజినల్ డేటింగ్ రియాలిటీ షో వాట్ ద లవ్. బ్యూటిఫుల్ యంగ్ కపుల్స్ తో నడిచే ఈ రొమాంటిక్ రియాలిటీ షో ఎలా ఉందో చూద్దాం..

నేపథ్యం ఏమిటీ?

కరణ్ జోహార్ ఆహ్వానం మేరకు యువతీ, యువకులు ఓ వైల్డ్ పార్టీకి హారవుతారు. ఆ పార్టీలో యువతీ యువకులు తమ సోల్ మేట్స్ ని వెతుకుంటు ఉంటారు. వీరి నుండి ఓ ఏడుగురిని ఎంపిక చేసిన కరణ్ జోహార్ ఏడు ఎపిసోడ్స్ సిరీస్ లో వారికి ఇష్టం వచ్చిన వారితో డేట్ కి వెళ్లే అవకాశం ఇస్తాడు. ఈ గ్రూప్ లో బాయ్స్, గర్ల్స్, గేస్ కూడా ఉంటారు. అపరిచితుల మధ్య డేటింగ్ వలన ప్రేమ పుడుతుందా? పుడితే అది ఎలాంటి లవ్? అది సీరియస్ లవ్ నా? ఇలాంటి ఆసక్తికర విషయాలకు సమాధానం అక్కడ దొరికిందో లేదో సమీక్షలో చూద్దాం

ఏమి బాగుంది?

దర్శక నిర్మాత కరణ్ జోహార్ హోస్టింగ్ స్కిల్స్ గురించి ప్రత్యేకంగా చెప్పాల్సిన పనిలేదు. కాఫీ విత్ కరణ్ టాక్ షో ఎంత ఫేమస్సో అందరికి తెలిసిందే. ‘వాట్ ద లవ్’ సిరీస్ ఆఫ్ ఎపిసోడ్స్ లో కరణ్ కంటెస్టెంట్స్ తో మాట్లాడే తీరు, వారిలో కాన్ఫిడెంట్ పెంపొందించే విధానం షో కి హైలెట్ అని చెప్పాలి. ఇక షో పార్టిసిపెంట్స్ యొక్క ట్రెండీ ఫ్యాషన్స్, బోల్డ్ బిహేవియర్ మంచి ఎంటర్టైన్మెంట్ పంచుతుంది. ప్రతి ఎపిసోడ్ లో సందడి చేసే బాలీవుడ్ సెలబ్స్ మరో ఆకర్షణ

ఏమి బాగోలేదు?

యంగ్ కపుల్ మధ్య లవ్, అట్రాక్షన్ వంటి విషయాలు సహజంగా అనిపించవు. ప్రతిదీ ఒక ప్లాన్ ప్రకారం జరుగుతున్న భావన కలుగుతుంది. ఇక ప్రతి జంట లవ్ స్టోరీకి హ్యాపీ ఎండింగ్ ఇవ్వడం, ఎపిసోడ్స్ ముగిస్తున్న తీరు ఒకేలా ఆసక్తి లేకుండా సాగుతుంది.

చివరి మాటగా

బోల్డ్ ఐడియాస్ మరియు కంటెంట్ తో సాగే ఈ డేటింగ్ రియాలిటీ షో లో సహజత్వం లోపించడం వలన ప్రేక్షకులకు అంతగా కనెక్ట్ కాదు. కపుల్స్ మధ్య సాగే లవ్ డ్రామా ఓ ప్లాన్ ప్రకారం జరుగుతుందని తేలికగా అర్థం అయిపోతుంది. ఇక ఇలాంటి కంటెంట్ ఇష్టపడేవారికి, మోడరన్ భావాలు కలిగిన వారికి ఈ షో కొంత మేర అనుభూతిని పంచవచ్చు.
 
123telugu.com Rating : 2.5/5