నటీనటులు: లేహ్ లూయిస్, డేనియల్ డైమర్, అలెక్సిస్ లెమిర్

దర్శకత్వం: ఆలిస్ వు

నిర్మాతలు : ఆంథోనీ బ్రెగ్మాన్, ఎం. బ్లెయిర్ బ్రార్డ్, ఆలిస్ వు

సంగీతం: అంటోన్ సాంకో

సినిమాటోగ్రఫీ: గ్రేటా జోజులా

లాక్ డౌన్ రివ్యూస్ లో మన నెక్స్ట్ ఛాయిస్ హాఫ్ ఆఫ్ ఇట్. టీనేజ్ రొమాంటిక్ డ్రామాగా వచ్చిన ఈ చిత్రం ఎలా ఉందో సమీక్షలో చూద్దాం..

కథాంశం ఏమిటీ?

ఎల్లీ చు (లేహ్ లూయిస్) చైనా వలస కుటుంబానికి చెందినది ఒక తెలివైన అమ్మాయి.ఎవరితో స్నేహం చేయడానికి ఇష్టపడని ఎల్లీ చు తన తండ్రితో కలిసి ఓ విలేజ్ లో ఉంటుంది. తన పాకెట్ మని కోసం తోటి స్టూడెంట్స్ హోమ్ వర్క్స్ పూర్తి చేస్తూ ఉంటుంది. ఒక రోజు తన క్లాస్ మేట్ పాల్ మున్స్కీ (డేనియల్ డైమెర్) క్లాస్ మేట్ ఆస్టర్ ఫ్లోర్స్ (అలెక్సిస్ లెమిర్) ప్రేమ విషయంలో తనకు సహాయం చేయాలనీ ఎల్లీని కోరుతాడు. పాల్ కోరికను అయిష్టంగానే అంగీకరించిన ఎల్లీ, ఆస్టర్ ఫ్లోర్స్ భావాలు, అలవాట్లు నచ్చి అనుకోకుండా ఆమె ప్రేమలో పడిపోతుంది. పాల్ ప్రేమ కోసం ఆస్టర్ ని కలిసిన ఎల్లీ చు అసహజంగా ఆమె పట్ల ఆకర్షించబడుతుంది. మరి పాల్, ఎల్లీ, ఆస్టర్స్ ట్రైయాంగిల్ లవ్ స్టోరీ ఎలా ముగిసింది అనేది మిగతా కథ

ఏమి బాగుంది?

ఫ్రెంఛ్ మూవీ సైరెనో దే బెర్గరెక్, దీని ఆధారంగా తెలుగులో వచ్చిన ఊహలు గుసగుసలాడే చిత్రాల పోలికలు ఈ మూవీలో ఉన్నప్పటికీ స్లైట్ హ్యూమర్, హెవీ ఎమోషన్స్ తో డైరెక్టర్ అలిస్ వు మనసుకు హత్తుకునేలా తెరకెక్కించారు. ఎల్లి చు పాత్ర చేసిన లేహ్ లూయిస్ అద్భుత నటన కనబరిచింది. తండ్రి పట్ల ప్రేమ కలిగినఎల్లీ చు అసలు మిగతా రిలేషన్స్ అవసరం లేదనుకునే ఓ సైలెంట్ టీనేజ్ అమ్మాయి, అసహజంగా మరో అమ్మాయి ప్రేమలో పడడం అనేది కన్విన్సింగ్ గా చూపించారు.

ఇతర జాతుల పట్ల అమెరికన్స్ చులకన భావన ఎలా ఉంటుందో ఎల్లి పాత్ర ద్వారా చెప్పిన విధానం నచ్చుతుంది. మూవీ క్లైమాక్స్ మరియు మూడు ప్రధాన పాత్రల మధ్య సంఘర్షణ బాగుంది.

ఏమి బాగోలేదు?

మెల్లగా సాగే కథనం, సినిమా మొత్తం మూడు పాత్రల చుట్టే తిరగడం అనేది ఒక బలహీనత. ఎల్లి, పాల్ పాత్రలను చక్కగా రాసుకున్నప్పటికీ కథలో కీలమైన ఆస్టర్ రోల్ కి చెప్పుకోదగ్గ స్క్రీన్ స్పేస్ లేకపోవడం కూడా బాగోలేదు. ఇక ముందుగా చెప్పుకున్నట్లు కొన్ని చిత్రాలను పోలిన కథ కావడం కూడా మరొక మైనస్ గా చెప్పుకోవచ్చు.

చివరి మాటగా?

హాఫ్ ఆఫ్ ఇట్ మనసుకు హత్తుకొనే టీనేజ్ రొమాంటిక్ డ్రామా. డైరెక్టర్ అలిస్ వు ఎల్లి పాత్ర ద్వారా మైగ్రంట్స్ సాధక బాధలు, అమెరికన్ సొసైటీలో వారి పట్ల ఉండే ద్రుష్టి కోణం బాగా చూపించారు. తనని తాను వెతుక్కునే క్రమంలో ఎల్లీ ఎమోషనల్ జర్నీ బాగుంది. ఇక కొత్త దనం లేని కథ, స్లో నేరేషన్ కొంచెం ఇబ్బంది పెట్టే అంశాలు. మొత్తంగా హాఫ్ ఆఫ్ ఇట్ మనసుకు హత్తుకొనే టీనేజ్ రొమాంటిక్ డ్రామా అని చెప్పొచ్చు.

Rating: 3.5/5

నటీనటులు: జైదీప్ అహ్లవత్, నీరజ్ కబీ తదితరులు

డైరెక్టర్ : సుదీప్ శర్మ

ఈ లాక్ డౌన్ సమయంలో సినిమాలతో పాటు వెబ్ సిరీస్ లను సమీక్షించే శ్రేణిని కొనసాగిస్తూ.. నేటి సమీక్షగా వచ్చిన వెబ్ సిరీస్ ‘ పాటల్ లోక్’. సుదీప్ శర్మ దర్శకత్వం వహించారు. అనుష్క శర్మ నిర్మించిన ఈ సిరీస్ ‘అమెజాన్ ప్రైమ్’లో అందుబాటులో ఉంది. మరి ఈ వెబ్ సిరీస్ ఎలా ఉందో సమీక్షలో చూద్దాం

కథా నేపథ్యం :

ట్రాఫిక్ తో కిక్కిరిసిపోయిన ఢిల్లీలో నలుగురు నేరస్థులు సిటీ నుండి పారిపోవడానికి ప్రయత్నం చేస్తారు. కాగా ప్రముఖ టీవీ జర్నలిస్ట్ సంజీవ్ మెహ్రా (నీరజ్ కబీ) ను చంపడానికే ఈ బృందం సిటీలోకి వచ్చినట్లు వార్తలు వస్తాయి. ఈ కేసును ఛేదించడానికి ఇన్ స్పెక్టర్ హతి రామ్ చౌదరి (జైదీప్ అహ్లవత్)ను డిల్లీ పోలీసులు సెలెక్ట్ చేస్తారు. ఆ తరువాత జరిగిన పరిణామాల అనంతరం ఈ టీం వెనుక దేశంలోనే అతిపెద్ద నాయకుడు ఉన్నారని హతీ రామ్ తెలుసుకుంటాడు. మరి అతను కేసును ఎలా ఛేదించాడు ? దాని కోసం ఏమి చేశాడు అనేదే మిగిలిన కథ.

ఏం బాగుంది :

పాటల్ లోక్ మంచి స్క్రిప్ట్ ని కలిగి ఉంది. ఈ వెబ్ సిరీస్ యొక్క ప్రధాన బలం కూడా స్క్రిప్ట్ నే. ప్రతి ఎపిసోడ్ లో కథ చెప్పే విధానం ఉత్సాహంగా ఉంటుంది. పైగా సాధ్యమైనంత ఉత్తమంగా ప్రెజెంట్ చేయబడింది. ప్రతి నేరస్థుల వెనుక కథను భీకరమైన రీతిలో చూపించారు. ప్రతిది లాజిక్ తో చిత్తశుద్ధితో తెరకెక్కించారు. .

జైదీప్ అహ్లవత్ తన కెరీర్ లో అత్యుత్తమ నటనను కనబర్చాడు. డిల్లీ పోలీసుగా అతని యాస మరియు కేసును ఛేదించడానికి అతను ఒంటరిగా ఎలా పోరాడుతున్న క్రమంలో వచ్చే సీన్స్ లో అతని నటన చాల బాగుంది. అభిషేక్ బెనర్జీ కూడా తన క్రూరమైన పాత్రలో చక్కగా నటించాడు. గుల్ పనాగ్ భార్య పాత్రను బాగా చేసింది. యూపీలో కుల ఆధారిత రాజకీయాలు బాగా చూపించారు.

వెబ్ సిరీస్ అన్ని రకాలుగా ఉత్తమ ప్రదర్శనలను కలిగి ఉంది. మరియు చాలా వాస్తవికంగా కూడా ఉంటుంది. మ్యూజిక్, కెమెరా వర్క్ ప్రభావవంతంగా ఉన్నాయి. ఈ సిరీస్ లో 10 ఎపిసోడ్‌లు ఉన్నాయి. ప్రతి ఎపిసోడ్ క్రైమ్ మరియు సస్పెన్స్‌తో నిండి ఉంటుంది, ఇది మిమ్మల్ని చివరి వరకు కట్టిపడేస్తుంది.

ఏం బాగాలేదు :

కథ చాలా సింపుల్ గా ఉంటుంది. ప్లే కూడా కొంచెం క్లిష్టంగా ఉంటుంది. మీరు కొన్ని సన్నివేశాలను లేదా ఎపిసోడ్ లను మధ్యలో మిస్ అయితే ఆ తరువాత కథలో ఏమి జరుగుతుందో అర్థం చేసుకోవడం చాలా కష్టం. ఇక విచారణ సీన్స్ సామాన్యులు కూడా తేలికగా అర్థం చేసుకోవడానికి ఇంకా సరళీకృతంగా చెప్పి ఉంటే బాగుండేది. పైగా ఈ సిరీస్ ఖచ్చితంగా కుటుంబ ప్రేక్షకుల కోసం అయితే కాదు.

చివరి మాటగా :

మొత్తంమీద, పాటల్ లోక్ ఇటీవలే వచ్చిన ఉత్తమ వెబ్ సిరీస్‌లలో ఒకటిగా నిలుస్తోంది. స్క్రిప్ట్, సెటప్, నటీనటుల ప్రదర్శనలు బాగా ఆకట్టుకుంటాయి. కొన్ని ఎపిసోడ్లలో కొంచెం సంక్లిష్టమైన కథనాన్ని మినహాయించి, మిగిలినిదంతా బాగానే ఉంది. ఇన్వెస్టిగేటివ్ థ్రిల్లర్స్ ను ఇష్టపడే వారందరూ ఈ సిరీస్‌ను ఇష్టపడతారు. ఈ లాక్ డౌన్ సమయంలో ఈ సిరీస్ ను హ్యాపీగా చూడొచ్చు.
Rating: 3.5/5

నటీనటులు: పృథ్వి రాజ్, సూరజ్ తదితరులు…

నిర్మాతలు: సుప్రియా మెనాన్ & లిస్టిన్ స్టీఫెన్

దర్శకత్వం: లాల్ జూనియర్

సినిమాటోగ్రఫీ: అలెక్స్ జె పులికల్

సంగీతం: యక్జాన్ గ్యారీ పెరీరా & నేహా ఎస్ నాయర్

ఎడిటర్: రతీష్ రాజ్

లాక్ డౌన్ రివ్యూస్ లో నేడు డ్రెవింగ్ లైసెన్స్ మూవీని ఎంచుకోవడం జరిగింది. పృద్వి రాజ్, సూరజ్ ప్రధాన పాత్రలలో నటించగా లాల్ జూనియర్ తెరకెక్కించిన ఈ చిత్రం ఎలా ఉందో ఇప్పుడు చూద్దాం.

కథాంశం ఏమిటీ?

రేసింగ్ కార్స్ ఇష్టపడే స్టార్ హీరో అయిన హరీంద్రన్(పృథ్విరాజ్)కి ఓ కార్ ఛేజ్ సీక్వెన్స్ లో నటించడానికి డ్రైవింగ్ లైసెన్స్ అవసరం అవుతుంది. ఐతే తన డ్రైవింగ్ లైసెన్స్ పోవడంతో ఆర్ టి ఓ ఆఫీస్ లో అప్లై చేసుకుంటారు. హరీంద్రన్ కి పెద్ద ఫ్యాన్ అయిన ఆర్ టి ఓ ఆఫీసర్ కురువిల్ల ఓ సంఘటన కారణంగా శత్రువుగా మారతాడు. స్టార్ హీరో హరీంద్రన్ మరియు ఆర్ టి ఓ ఆఫీసర్ కురువిల్లకు మధ్య ఇగో వార్ మొదలవుతుంది. సదుద్దేశం కలిగిన కురువెల్ల పెద్ద బ్యాక్ గ్రౌండ్ కలిగిన స్టార్ హీరోని లైసెన్స్ విషయంలో ఎలా కట్టడి చేశాడు అనేదే మిగతా కథ..

ఏమి బాగుంది?

ఓ సామాన్య ప్రభుత్వ ఉద్యోగికి, సూపర్ స్టార్ కి మధ్య ఇగో వార్ కన్వీన్సింగ్ గా వాస్తవానికి దగ్గరగా చెప్పిన తీరు బాగుంది. రెండు ప్రధాన పాత్రల మధ్య కాన్ఫ్లిక్ట్ పాయింట్ చక్కగా కుదిరింది. మంచి నటుడిగా పేరున్న పృద్వి రాజ్ స్టార్ హీరో పాత్రలో ఒదిగిపోయి నటించారు.

మరో ప్రధాన పాత్ర చేసిన సూరజ్ నటన మరియు అతని పాత్ర మూవీకి ప్రధాన ఆకర్షణగా నిలిచాయి. కామెడీ, ఎమోషన్స్ మరియు ఆకట్టుకొనే డైలాగ్స్ తో ఆయన పాత్ర ప్రేక్షకుడికి మంచి అనుభూతిని పంచుతుంది.

సీరియస్ స్టోరీ లో అంతర్లీనంగా వచ్చే సిట్యువేషనల్ కామెడీ బాగుంది. హీరో పృథ్వి రాజ్ ఫ్రస్ట్రేషన్ నుండి జెనెరేట్ అయ్యే ఆ కామెడీ కోణం బాగుంది. ప్రధాన పాత్రల మధ్య ముఖాముఖి సన్నివేశాలు, మూవీ ప్రొడక్షన్స్ వాల్యూస్, బీజీఎమ్ ఆకట్టుకుంటాయి.

ఏమి బాగోలేదు?

ఓ సూపర్ స్టార్ మరియు ఆర్ టి ఓ ఆఫీసర్ కి మధ్య నడిచే లైసెన్స్ వార్ ఎంత కన్వీన్సింగ్ తీసినా వాస్తవంగా అసాధ్యం కదా అనిపిస్తుంది. ఇక పృథ్వి రాజ్ మరియు సూరజ్ మధ్య వచ్చే కొన్ని సన్నివేశాలు సాగదీతకు గురైనట్లు అనిపిస్తుంది. స్లోగా మొదలయ్యే ఫస్ట్ హాఫ్ అసలు కథలోకి ప్రవేశించడానికి చాలా సమయం పడుతుంది.

చివరి మాటగా

ఓ మంచి సోషల్ పాయింట్ ని టచ్ చేస్తూ, ఎమోషన్స్ మరియు కామెడీ, అక్కట్టుకొనే కాన్ఫ్లిక్ట్ తో సాగే డ్రైవింగ్ లైసెన్స్ మూవీ ప్రేక్షకుడికి ఓ కొత్త అనుభూతిని ఇస్తుంది. పరిచయం లేని కథతో దర్శకుడు లాల్ జూనియర్ చేసిన మ్యాజిక్ అద్భుతం. కొంచెం స్లోగా సాగే ఫస్ట్ హాఫ్ మినహాయిస్తే డ్రైవింగ్ లైసెన్స్ తప్పక చూడాల్సిన మూవీ.

Rating: 3/5

నటీనటులు : షెఫాలి షా, రసిక దుగల్, ఆదిల్ హుస్సేన్, రాజేష్ తైలాంగ్

దర్శకత్వం : రిచీ మెహతా

నిర్మాతలు : జెఫ్ సాగన్స్కీ, ఫ్లోరెన్స్ స్లోన్, అపూర్వా బక్షి

సంగీతంby : ఆండ్రూ లాకింగ్టన్

సినిమాటోగ్రఫీ : జోహన్ హ్యూర్లిన్ ఎయిడ్

లాక్ డౌన్ రివ్యూస్ లో హిందీ వెబ్ సిరీస్ ఢిల్లీ క్రైమ్ ని తీసుకోవడం జరిగింది. రిచీ మెహతా దర్శకత్వంలో వచ్చిన ఈ క్రైమ్ ఇన్వెస్టిగేటివ్ థ్రిల్లర్ ఎలా ఉందో చూద్దాం..

కథాంశం ఏమిటీ?

2012 ఢిల్లీలో జరిగిన నిర్భయ సంఘటన ఆధారంగా ఈ వెబ్ సిరీస్ తెరకెక్కింది. ఓ అమ్మాయిని అతి క్రూరంగా మానభంగం చేసి, ఆమె చావుకు కారణమైన కొందరు దుర్మార్గులను పట్టుకొనే బాధ్యత పోలీస్ అధికారిణి వర్థిక చతుర్వేది(షెఫాలీ షా) తీసుకుంటారు. దేశవ్యాప్తంగా సంచలనంగా మారిన ఈ కేసులో నిందితులను ఆమె ఎలా పట్టుకున్నారు అనేది మిగతా కథాంశం…

ఏమి బాగుంది?

ఈ కేసు ఛేదనలో సన్నివేశాల చిత్రీకరణ చాలా సహజంగా వాస్తవానికి దగ్గరా ఉంది. ఢిల్లీ వేదికగా జరిగే ఓ హై ప్రొఫైల్ కేసును పోలీసులు ఛేదించిన విధానం చక్కగా చూపించారు. ఇక లేడీ డి సి పి పాత్ర చేసిన ఫెశాలి షా నటన అద్భుతం. ఓ అమ్మాయి ధారుణమైన మరణానికి కారణమైన వారిని వెతికే క్రమంలో ఆమె ఎమోషనల్ యాక్టింగ్ కట్టిపడేస్తుంది. అలాగే ఈ వెబ్ సిరీస్ లో ప్రాముఖ్యం ఉన్న సుధీర్ కుమార్ రోల్ చేసిన గోపాల్ దత్ తివారి నటన ఆకట్టుకుంది.

అతి క్రూరమైన మానభంగం గురించి డాక్టర్ వివరించే సన్నివేశం షాక్ కి గురిచేస్తుంది. దేశ వ్యాప్తంగా సంచలనం రేపిన కేసులలో ప్రజల ఆక్రోశం, మీడియా పాత్ర, రాజకీయ అవకాశవాదం వంటి విషయాలను కళ్ళకు కట్టినట్లు వివరించారు.

ఏమి బాగోలేదు?

పోలీస్ ఇన్వెస్టిగేషన్ సన్నివేశాలతో సాగే ఈ వెబ్ సిరీస్ కథనం నెమ్మదిగా సాగుతుంది. ఇక ప్రాధాన్యం ఉన్న కొన్ని పాత్రలకు కూడా సాదాసీదా నటులతో కానిచ్చేశారు. ఇక క్లిష్టతరంగా సాగే స్క్రీన్ ప్లే కొంచెం గందరగోళానికి గురి చేస్తుంది.

చివరి మాటగా

దేశవ్యాప్తంగా సంచలనం రేపిన నిర్భయ కేసు గురించి క్షుణ్ణంగా తెలుకోవాలనుకొనే వారికి ఢిల్లీ క్రైమ్ మంచి ఛాయిస్. కట్టిపడేసే ఎమోషన్స్, ఆసక్తిరేపే సంఘటనలతో పాటు, ప్రధాన పాత్ర దారుల నటన మంచి అనుభూతిని పంచుతుంది. స్లో నెరేషన్, క్లిష్టమైన స్క్రీన్ ప్లే మినహా ఇస్తే ఢిల్లీ క్రైమ్ బెస్ట్ వెబ్ సిరీస్ అని చెప్పొచ్చు.

Rating: 3.5/5

నటీనటులు: శోభిత ధులిపాల, మృనాల్ ఠాకూర్, అవినాష్ తివారీ, జాన్వి కపూర్, సురేఖా సిక్రీ, రఘువీర్ యాదవ్, గుల్షన్ దేవయ్య, అనీష్ బామ్నే, పావెల్ గులాటి

దర్శకత్వం: కరణ్ జోహార్, దిబాకర్ బెనర్జీ, జోయా అక్తర్, అనురాగ్ కశ్యప్

నిర్మాతలు: రోనీ స్క్రూవాలా, ఆశి దువా

సినిమాటోగ్రఫీ: సిల్వెస్టర్ ఫోన్‌సెకా, తనయ్ సతం, కమల్‌జీత్ నేగి, మను ఆనంద్, మితేష్ మిర్చందాని, రంజన్ పాలిట్

లాక్డౌన్ సిరీస్ లో నేడు ఘోస్ట్ స్టోరీస్ వెబ్ సిరీస్ ని తీసుకోవడం జరిగింది. అనురాగ్ కశ్యప్, దిబాకర్ బెనర్జీ, జోయా అక్తర్, మరియు కరణ్ జోహార్ వంటి నలుగురు దర్శకులు తెరకెక్కించిన ఈ వెబ్ సిరీస్ ఎలా ఉందో సమీక్షలో చూద్దాం

కథాంశం ఏమిటీ?

జాన్వీ కపూర్, శోభిత దూళిపాళ్ల, మృణాల్ ఠాకూర్ మరియు సుకాంత్ గోయెల్ ప్రధాన పాత్రలో నాలుగు భిన్న హారర్ కథల సారాంశమే ఘోస్ట్ స్టోరీస్. హార్రర్ ప్రధానంగా భిన్న నేపధ్యాలలో ఈ ఘోస్ట్ స్టోరీస్ సిరీస్ సాగుతుంది.

ఏమి బాగుంది?

మొదటిసారి వెబ్ సిరీస్ లోకి ఎంట్రీ ఇచ్చిన స్టార్ కిడ్ జాన్వీ కపూర్ నర్స్ గా సహజ నటన కనబరిచింది. ఆ పాత్రకు ఆమె చక్కగా సరిపోయింది. హరర్ సన్నివేశాలలో ఆమె నటన ఆకట్టుకుంటుంది. ఇక నాలుగు ప్రధాన పాత్రలలో అమితంగా ఆకట్టుకున్న నటి శోభితా దూళిపాళ్ల. నిజానికి కలకి తేడా తెలియని అయోమయంలో ఉండే అమ్మాయిగా ఆమె నటన మెప్పిస్తుంది. ఇక నాలుగు కథల ప్రారంభం బాగుంటుంది.

ఏమి బాగోలేదు?

డైరెక్టర్ జోయా అక్తర్ హారర్ స్టోరీలో జాన్వీ నటన ఆకట్టుకున్నా అద్భుతం అని చెప్పలేం. కొన్ని సీన్స్ లో ఆమె నటన తేలిపోతుంది.

అనురాగ్ కశ్యప్ స్టోరీ విషయానికి వస్తే నటి శోభిత తన అద్భుత నటనతో ఆసక్తిగా మలచాలని ప్రయత్నించినా, హార్రర్ లేని బలహీనమైన కథ మెప్పించలేకపోయింది.

ఇక మరో ఇద్దరు దర్శకులు దిబాకర్ బెనర్జీ, కరణ్ జోహార్ పనితనం కూడా ఏమి బాగోలేదు. చాలా ఆధునిక భావజాలం కలిగిన కరణ్ ఎపిసోడ్ లో మొదటి నుండి స్టోరీ ఊహకు అందేలా సాగుతుంది.

చివరి మాటగా

బాలీవుడ్ స్టార్ డైరెక్టర్స్, స్టార్ కాస్ట్ తో, ఉన్నత విలువలతో తెరకెక్కిన ఈ వెబ్ సిరీస్ కంటెంట్ పరంగా ఏమాత్రం ఆకట్టుకోదు. నాలుగు హారర్ స్టోరీస్ లో ఒక్కటికూడా ప్రభావంతంగా ఉండదు. భారీ అంచనాల మధ్య వచ్చిన ఈ సిరీస్ ఆ అంచనాలు అందుకోలేదనే చెప్పాలి.

Rating: 2/5

నటీనటులు : అభయ్ డియోల్, మిథిలా పాల్కర్, విజయ్ రాజ్

దర్శకత్వం : సచిన్ యార్డి

నిర్మాత : అశ్విని యార్డి

సినిమాటోగ్రఫీ : కేదార్ గైక్వాడ్

నేటి లాక్ డౌన్ రివ్యూలో మన ఛాయిస్ హిందీ మూవీ చాప్ స్టిక్స్. సచిన్ యార్డి దర్శకత్వంలో తెరకెక్కిన ఈ మూవీ నెట్ ఫ్లిక్స్ లో అందుబాటులో ఉంది. మరి చాప్ స్టిక్స్ ఎలా ఉందో చూద్దాం

కథాంశం ఏమిటీ?

ఎవరితో పెద్దగా పరిచయాలు పెంచుకోవడానికి ఇష్టపడని మాండ్రిన్ ట్రాన్స్లేటర్ నిర్మల(మిథిల పల్కర్) ఓ ఖరీదైన కారు కొనుక్కుంటుంది. ఐతే ఆమె కారును ఎవరో దొంగతనం చేస్తారు. అది తెలుసుకున్న నిర్మల తన కారును వెతకడం ప్రారంభిస్తుంది. ఈ క్రమంలో ఆమె ఓ మోసగాడు (అభయ్ డియోల్) సాయం తీసుకుంటుంది. వారి వెతుకులలాటలో దీని వెనుక గ్యాంగ్ స్టర్ విజయ్ రాజ్ హస్తం ఉందని తెలుసుకుంటారు. మరి చివరకు ఆ మహిళ తను ఇష్టపడి కొనుక్కున్న కారు దక్కించుకుందా, లేదా అనేది మిగతా కథ..

ఏమి బాగుంది?

ఓ టి టి ప్లాట్ ఫార్మ్ ద్వారా ఫేమస్ అయిన నటి మిథిల పల్కర్ నటన ఆకట్టుకుంది. అలాగే మరో ప్రాధాన్యం ఉన్న రోల్ చేసిన అభయ్ డియోల్ నటన పరవాలేదు. సీరియస్ గా సాగే నిర్మల కథలో అక్కడక్కడా ఆకట్టుకొనే కామెడీ బాగుంది. ఇక గ్యాంగ్ స్టర్ రోల్ చేసిన విజయ్ రాజు ప్రత్యేక ఆకర్షణ. కారును వెతికే క్రమంలో ప్రధాన పాత్రల మధ్య వచ్చే సన్నివేశాలు కొన్ని ఆకట్టుకుంటాయి. బీజీఎమ్ మరియు కెమెరా వర్క్ అద్భుతం అని చెప్పాలి.

ఏమి బాగోలేదు?

ఓ సీరియస్ పాయింట్ తో మొదలైన కథలో పాత్రల జర్నీ ఏమాత్రం ఆకట్టుకోదు. చాల సన్నివేశాలు వాస్తవానికి దూరంగా సిల్లీగా అనిపిస్తాయి. అటు పూర్తిగా కామెడీ ఉండదు, అలా అని సీరియస్ డ్రామా కూడా లేదు. ప్రధాన పాత్రచేసిన అభయ్ డియోల్ నటన ఏమాత్రం ఆసక్తి కలిగించదు. ఇక కథను ముగించిన విధానం కూడా ఏమంత బాగోలేదు.

చివరి మాటగా
ఓ ఆసక్తికరమైన అంశం ఈ మూవీ లో ఉన్నప్పటికీ ఆకట్టుకోని నెరేషన్ ప్రేక్షకుడికి మంచి అనుభూతిని ఇవ్వదు. సిల్లీగా సాగే ఈ డ్రామాలో అటు పూర్తి స్థాయి హాస్యం ఉండదు, అలా అని ఎమోషన్స్ కూడా ఉండవు.మిథిల పల్కర్ నటన మినహాయిస్తే ఈ వెబ్ సిరీస్ లో చెప్పుకోవడానికి ఏమి లేదు.

Rating: 2/5

నిర్మాతలు : కరణ్ జోహార్, అనీషా బేగ్
నటీనటులు: కియారా అద్వానీ, ఆకాన్షా రంజన్ కపూర్, గుర్ఫతే సింగ్ తదితరులు
డైరెక్టర్ : రుచి నారెయిన్

ఈ లాక్ డౌన్ సమయంలో సినిమాలతో పాటు వెబ్ సిరీస్ లను సమీక్షించే శ్రేణిని కొనసాగిస్తూ.. నేటి సినిమా వచ్చిన సినిమా ‘గిల్టీ’. రుచి నారెయిన్ దర్శకత్వం వహించారు. ఈ మూవీ ‘నెట్ ఫ్లిక్స్’లో అందుబాటులో ఉంది. మరి ఈ మూవీ ఎలా ఉందో సమీక్షలో చూద్దాం.

కథా నేపథ్యం :

మీ టూ ఉద్యమం అంశం పై ఈ చిత్రం ప్రధానంగా సాగుతుంది. 2018 వాలెంటైన్స్ డే రాత్రి తన బాయ్ ఫ్రెండ్ వి.జె (గుర్ఫతే సింగ్ పిర్జాడా) తన పై అత్యాచారం చేశాడని విశ్వవిద్యాలయంలోని ఒక కొత్త విద్యార్థి ఆరోపిస్తుంది. నాంకి దత్తా (కియారా అద్వానీ)కి తనూ కుమార్ (ఆకాన్షా రంజన్ కపూర్)కు ఈ విషయం చాలెంజ్ గా మారుతుంది. ఈ క్రమంలో జరిగే కొన్ని నాటకీయ పరిణామాల అనంతరం ఈ కేసు విషయంలో నాంకి దత్తా ఏం చేస్తోంది ? అసలు వాలెంటైన్స్ డే రాత్రి ఏం జరిగింది ? నాంకి దత్తా ఈ కేసును ఎలా చెదిస్తోంది అనేది మిగతా కథ.

ఏం బాగుంది :

ఈ చిత్రంలో కియారా అద్వానీ ‘నాంకి దత్తా’ పాత్రలో చాల బాగుంది. తనను తాను మార్చుకుని చాల బాగా నటించింది. ముఖ్యంగా కేసును దర్యాప్తు ప్రారంభించే సీన్స్ లో ఆమె నటన బాగా ఆకట్టుకుంటుంది. ఈ చిత్రం స్క్రీన్ ప్లే కూడా ఫ్లాష్ బ్యాక్ స్టైల్ లో ప్లే అవుతూ ఇంట్రస్ట్ గా సాగుతుంది. మెయిన్ గా కొన్ని సీన్స్ చాల బాగున్నాయి. ఇక మీ టూ ఉద్యమం నేపథ్యంతో ఈ చిత్రం రావడం, ఈ చిత్రంలో బిజియమ్, విజువల్స్ సినిమాకి బాగా ప్లస్ అయ్యాయి.

ఏం బాగాలేదు :

ఈ చిత్రం మంచి ఇంట్రస్ట్ తో ప్రారంభమైనా.. మొదటి అరగంట వరకు ప్లే బాగున్నా, ఆ తరువాత నుండి, వచ్చే సన్నివేశాలు బాగాలేవు. పైగా ఈ చిత్రంలో సంఘర్షణకి మంచి స్కోప్ ఉన్నా, అనవసరమైన బోర్ సీన్స్ తో ట్రీట్మెంట్ రాసుకోవడం ఇబ్బందిగా అనిపిస్తోంది. పైగా క్లైమాక్స్ కూడా చాల స్లోగా సాగుతుంది. కథను లాగకుండా, సెకెండ్ హాఫ్ ను ఇంకా కొత్తగా ప్రదర్శించి ఉంటే బాగుండేది. కియారా బాగా నటించినప్పటికీ, ఆమె పాత్రను ఇంకా బాగా మలిచి ఉండాల్సింది.

చివరి మాటగా :

మొత్తంమీద, సమకాలీన అంశాల పై వచ్చిన ఈ గిల్టీ చిత్రం పూర్తిస్థాయిలో ఆకట్టుకోలేకపోయింది. ఒక సాధారణ కథను సరైన మోటివ్ లేకుండా సాగదీయడం బాగాలేదు. అయితే నిర్మాణ విలువలు మరియు కియారా అద్వానీ నటన ఆకట్టుకుంటాయి. ఈ లాక్ డౌన్ లో సగటు సినిమా కంటే తక్కువ స్థాయిలోనే ఈ సినిమా మిమ్మల్ని అలరిస్తుంది.

నటీనటులు: జితేంద్ర కుమార్, రఘుబీర్ యాదవ్, నీనా గుప్తా

డైరెక్టర్ : దీపక్ కుమార్ మిశ్రా

సంగీతం: అనురాగ్ సైకియా

సినిమాటోగ్రఫీ: అమితాబ్ సింగ్

నేడు మన లోక్ డౌన్ రివ్యూ సిరీస్ లో హిందీ వెబ్ సిరీస్ పంచాయత్ ని తీసుకోవడం జరిగింది. జితేంద్ర కుమార్ ప్రధాన పాత్రలో దీపక్ కుమార్ మిస్త్ర తెరకెక్కించిన ఈ వెబ్ సిరీస్ ఎలా ఉందో చూద్దాం…

కథాంశం ఏమిటీ?

ఇంజనీరింగ్ గ్రాడ్యుయేట్ అయిన అభిషేక్ త్రిపాఠి(జితేంద్ర కుమార్) మంచి కార్పొరేట్ కంపెనీలో జాబ్ చేయాలనుకుంటాడు. క్యాంపస్ ఇంటర్వ్యూలో ఫెయిల్ కావడం వలన తను కోరుకున్న జాబ్ తనకు దక్కదు. ఈ క్రమంలో ఉత్తర్ ప్రదేశ్ లోని ఓ మారుమూల పల్లెలో పంచాయత్ సెక్రటరీగా అభిషేక్ నియమింపబడతాడు. అయిష్టంగానే ఆ ఊరికి సెక్రెటరీగా వెళ్లిన అభిషేక్ అక్కడ కనీస సౌకర్యాలు కూడా లేవని తీవ్ర అసహనానికి గురవుతాడు. కార్పొరేట్ ప్రపంచంలో లావిష్ లైఫ్ అనుభవిద్దాం అనుకున్న అభిషేక్ పల్లె జీవనం ఎలా సాగింది? చివరికి అతని కథ ఎలా ముగిసింది అనేది మిగతా కథ..

ఏమి బాగుంది?

చాలా వెబ్ సిరీస్ లు క్రైమ్ అండ్ థ్రిల్లర్ జోనర్స్ లో వస్తున్న తరుణంలో చక్కని సామాజిక అంశాలతో తెరకెక్కిన పంచాయత్ మెచ్చుకోదగిన అంశం. ఇక కథకు తగ్గట్టుగా పల్లెటూరి వాతావరణం, సెటప్, పాత్రలు చక్కగా కుదిరాయి. ప్రేక్షకులకు ఉత్తర్ ప్రదేశ్ పల్లెలలో తిరిగిన అనుభూతి ఈ మూవీ పంచుతుంది. పల్లె ప్రజల ఇబ్బందులు హ్యూమరిక్ గా చెప్పిన తీరు బాగుంది. పల్లె ప్రజల కష్టాలను, అమాయకత్వాన్ని చక్కగా చూపించారు.

ఇక పల్లెజీవనాన్ని అసలు ఇష్టపడని ఫ్రస్ట్రేటెడ్ పంచాయత్ సెక్రెటరీ పాత్రలో జితేంద్ర కుమార్ చక్కగా నటించారు. అలాగే ఆయన పాత్రతో పాటు సాగే సపోర్టింగ్ రోల్స్ చేసిన నటుల పరఫార్మెన్సు ఆకట్టుకుంది. నీనా గుప్త నటన ఈ సిరీస్ కి మంచి ఆకర్షణ.

ఏమి బాగోలేదు?

సోషల్ కాన్సెప్ట్ పై కంటే కూడా పల్లె జీవనాన్ని ఇష్టపడని ఓ యుంగ్ గ్రాడ్యుయేట్ అసహనం పై ఎక్కువ ఫోకస్ చేశారు. పల్లె ప్రజల కష్టాలు, వాటికి సొల్యూషన్స్ పైన కూడా ఫోకస్ పెట్టి ఉంటె డ్రామాలో సీరియస్ నెస్ కూడా వచ్చి చేరేది.

చివరి మాటగా

మితిమీరిన వైలెన్స్, శృంగారం చూసి విసిగిపోయిన వారికి పంచాయత్ మంచి ఫీల్ ని ఇచ్చే వెబ్ సిరీస్. చక్కని పల్లె వాతావరణంలో ఆకట్టుకొనే హాస్యంతో సాగే పంచాయత్ సిరీస్ మంచి అనుభూతిని పంచుతుంది.

Rating: 3.5/5

నటీనటులు: ఇస్సా రెయ్, కుమాయిల్‌ నాజియాని, పాల్ స్పార్క్స్ తదితరులు

దర్శకత్వం: మైకేల్ షోవాల్టర్

నిర్మాతలు : టొం లసాలీ, ఓలివర్ ఓబిస్ట్, మార్టిన్ గెరొ, టొద్ద్ షుల్మన్, జోర్డానా మొల్లిక్

ఈ లాక్ డౌన్ సమయంలో సినిమాలతో పాటు వెబ్ సిరీస్ లను సమీక్షించే శ్రేణిని కొనసాగిస్తూ.. నేటి సినిమాగా వచ్చిన సినిమా ‘ది లవ్ బర్డ్స్’. మైకేల్ షోవాల్టర్ దర్శకత్వం వహించారు. ఈ మూవీ ‘నెట్ ఫ్లిక్స్’లో అందుబాటులో ఉంది. మరి ఈ మూవీ ఎలా ఉందో సమీక్షలో చూద్దాం.

కథా నేపథ్యం :

ఈ లవ్ బర్డ్స్ చిత్రం విడిపోయే ఆలోచనలో ఉన్న జంట లీలాని (ఇస్సా రెయ్) మరియు జిబ్రాన్ ( కుమాయిల్‌ నాజియాని) మధ్య సాగే చిత్రం. అయితే ఓ రాత్రి, వారు చేయని నేరాన్ని ఈ జంట పై బలవంతంగా రుద్దుతారు. ఆ తరువాత జరిగిన కొన్ని నాటకీయ సంఘటనల అనంతరం తమ పై వచ్చిన ఆరోపణలను ఈ జంట ఎలా క్లియర్ చేసుకున్నారు ? అలాగే వారి మధ్య ఉన్న సంబంధ సమస్యలను ఎలా పరిష్కరించుకున్నారు అనేది మిగతా కథ.

ఏం బాగుంది :

ప్రధాన జంట ఇస్సా రెయ్ మరియు కుమాయిల్‌ నాజియాని నటన బాగుంది, అలాగే వారి మధ్య కెమిస్ట్రీ, వారి సంబంధంకి సంబంధించి వివిధ దశలలో వారి విరుద్ధమైన వ్యక్తిత్వాలను సరిగ్గా తమ నటనలో ఇస్సా రే మరియు కుమాయిల్‌ నాజియానిచూపించగలిగారు. అలాగే ఇద్దరూ కొన్ని సీన్స్ లో తీసుకువచ్చే హాస్యం కూడా బాగుంది. కథలో ప్రేరేపించబడిన క్రైమ్ యాంగిల్ కూడా బాగుంది. బిజియమ్ మరియు కెమెరా పనితనం చాలా బాగుంది.

ఏం బాగాలేదు :

కథాంశం ఆశాజనకంగా ఉన్నప్పటికీ, దాన్ని అమలు చేసిన విధానం ముఖ్యంగా ట్రీట్మెంట్ బాగాలేదు. మొదటి నుండే ఫ్లాట్ గా సాగుతుంది. ఇసా మరియు కుమాయిల్ బాగా నటించినా, వాఋ మధ్య వచ్చే సన్నివేశాలు ఇంట్రస్ట్ గా సాగకపోగా విసిగిస్తాయి. ఈ జంట మధ్య సాగే ట్రాక్ ఒక డ్రాగ్ లా, మొదటి 30 నిమిషాల తర్వాత చాల విషయాలు నిజంగా బోరింగ్ అనిపిస్తాయి. పైగా సినిమాలోని ఎమోషన్స్ చాలా బలహీనంగా ఉన్నాయి.

చివరి మాటగా :

మొత్తానికి, ది లవ్ బర్డ్స్ చూడాలంటే.. మీకు చాలా ఓపిక మరియు సమయం ఉంటేనే చూడండి. ఎలాగూ మనమందరం లాక్ డౌన్ లో చిక్కుకుని ఖాళీగా ఉన్నామనుకుంటే.. దీనిని చూడొచ్చు. కాని, ఈ గందరగోళ మరియు బోరింగ్ చిత్రంలో వినోదభరితమైన మరియు ఆకట్టుకునే అంశాలు ఏమీ లేవు.

Rating: 2/5

నటీనటులు: మాటిల్డా లూట్జ్, కెవిన్ జాన్సెన్స్, విన్సెంట్ కొలంబే, గుయిలౌమ్ బౌచేడ్

దర్శకత్వం: కోరలీ ఫార్గేట్

నిర్మాతలు: మార్క్-ఎటియన్నే స్క్వార్ట్జ్, మార్క్ స్టానిమిరోవిక్, జీన్-వైవ్స్ రాబిన్

సినిమాటోగ్రఫీ: రాబ్రేచ్ట్ హేవెర్ట్

లాక్డౌన్ రివ్యూ సిరీస్ లో మన నెక్స్ట్ ఫ్రెంచ్ / ఇంగ్లీష్ చిత్రం రివేంజ్ . కోరలీ ఫార్జిట్ దర్శకత్వం వహించిన ఈ చిత్రం నెట్‌ఫ్లిక్స్‌లో అందుబాటులో ఉంది మరి ఈ మూవీ ఎలా ఉందో సమీక్షలో చూద్దాం..

కథాంశం ఏమిటీ?

పెళ్ళైన రిచర్డ్(కెవిన్ జాన్సెన్స్)తో రిలేషన్ లో ఉన్న జెన్నిఫర్(మెటిల్డా లుట్జ్) అతనితో కలిసి నిర్మానుష్యమైన ఎడారి ప్రాంతానికి ట్రిప్ కి వెళుతుంది. నగరానికి దూరంగా ఉన్న ఓ విలాసవంతమైన భవంతిలో వీరిద్దరూ ఉండగా, రిచర్డ్ స్నేహితులు మరో ఇద్దరు వారితో కలుస్తారు. జెన్నిఫర్ పై కోరిక పెంచుకున్న రిఛర్ద్ స్నేహితులతో ఒకడు ఆమెను మానభంగం చేస్తాడు. చివరకు ముగ్గురు స్నేహితులు ఒకటై జెన్నిఫర్ ని తీవ్రంగా గాయపరుస్తారు. ఎవరూ లేని ఆ ప్రాంతంలో ఒంటరిగా ఉన్న జెన్నిఫర్ ఎలా బయటపడింది, వారిపై ఎలా ప్రతీకారం తీర్చుకుంది అనేది మిగతా కథ…

ఏమి బాగుంది?

బాయ్ ఫ్రెండ్ చేతిలో మోసపోయిన జెన్నిఫర్ రోల్ చేసిన మెటిల్డా లూజ్ ఫెరోషియస్ నటన కట్టిపడేస్తుంది. ముగ్గురు దుర్మార్గులపై ఒంటరి అమ్మాయి పగ తీర్చుకున్న విధానాన్ని దర్శకుడు కన్విన్సింగ్ గా చూపించారు. జాలి లేని మనుషులుగా ముగ్గురు మిత్రుల పాత్రలు చేసినవారు ఫైన్ పెరఫార్మెన్సు ఇచ్చారు. కేవలం నాలుగు పాత్రలతో రక్త సిక్తమైన సన్నివేశాలలో బాగా తెరకెక్కించారు. అలాగే క్లైమాక్స్ కూడా బాగుంది.

ఏమి బాగోలేదు?

హింసాత్మకమైన కంటెంట్ కలిగిన ఈ మూవీ ఓ వర్గానికి ఉద్దేశించినది మాత్రమే. ఇక ఈ కథలో చెప్పుకో దగ్గ ట్విస్ట్స్ అండ్ టర్న్ ఏమి ఉండవు, ప్లాట్ నేరేషన్ ఒక మైనస్ గా చెప్పుకోవచ్చు.

చివరి మాటగా

హింసాత్మగా సాగే రివేంజ్ ఆకట్టుకే క్రైమ్ థ్రిల్లర్ గా చెప్పుకోవచ్చు. సింగిల్ విమెన్ నలుగురు దుర్మార్గులపై చేసే పోరాటం ఆసక్తికకరంగా సాగుతుంది. ఐతే ట్విస్ట్ లు లేకపోవడం, అడల్ట్ కంటెంట్ ఈ మూవీలో ప్రతికూల అంశాలు. మొత్తంగా రివేంజ్ ఆ తరహా సబ్జెక్స్ ఇస్టపడేవారికి మంచి అనుభూతి పంచుతుంది.

Rating: 3/5

నటీనటులు : యశస్విని దయామా, కరణ్‌వీర్ మల్హోత్రా, అభయ్ డియోల్, మోనికా డోగ్రా

నిర్మాత: అభయ్ డియోల్

దర్శకుడు: మేఘన రామ స్వామి

లాక్ డౌన్ రివ్యూ సిరీస్ లో నేడు హిందీ/ఇంగ్లీష్ మూవీ వాట్ ఆర్ ది ఆడ్స్? ఎంచుకోవడం జరిగింది. మేఘా రామస్వామి డైరెక్షన్ లో తెరకెక్కిన ఈ రొమాంటిక్ మూవీ ఎలా ఉందొ సమీక్షలో చూద్దాం…

కథాంశం ఏమిటీ?

స్కూల్ ఎడ్యుకేషన్ కంప్లీట్ చేస్తున్న ఇద్దరు టీనేజర్స్ వివేక్ (యషస్విని దయామా) మరియు అశ్విన్ (కరణ్వీర్ మల్హోత్రా) అనుకోకుండా ఓ రోజు కలుస్తారు.వారి మధ్య పరిచయం చిన్నగా స్నేహంగా మారుతుంది. ఈ స్నేహంలో వారి మధ్య అనేక విషయాలు చర్చకు వస్తాయి. అలాగే భిన్న స్వభాలు కలిగిన వ్యక్తులతో వారికి కొత్త రకమైన అనుభవాలు ఎదురవుతాయి. టీనేజ్ లో ఉండే ఒక అమ్మాయి మరియు అబ్బాయి పై వయసు ప్రభావం వారిని ఎటువైపు నడిపించింది, వారికి ఎదురైన అనుభవాలకు వారు ఎలా స్పందించారు? అనేదే వాట్ ఆర్ ది ఆడ్స్?…

ఏమి బాగుంది?

టీనేజ్ లో వయసు ప్రభావం వలన వచ్చే ఆలోచనలు వాటికి యూత్ స్పందించే తీరు ఆకట్టుకునేలా తెరకెక్కించారు. ప్రధాన పాత్రలు జీవితాలలో జరిగే సంఘటనలు ఆసక్తి రేపుతాయి. ఇక కథలో ప్రధానమైన టీనేజర్స్ గా కనిపించిన యషస్వినీ మరియు కరణ్వీర్ నటన క్యూట్ గా ఆకట్టుకుంది. ముఖ్యంగా కరణ్వీర్ అద్భుతంగా నటించాడు. అతనికి బాలీవుడ్ లో మంచి భవిష్యత్తు ఉంది అనిపిస్తుంది.

ఇక ఓ టి టి ప్లాట్ ఫార్మ్ లో అనేక సిరీస్ లో నటించి మంచి నటిగా పేరు తెచ్చుకున్న యషస్విని దయామా ఎప్పటిలాగే బెస్ట్ పెరఫామెన్స్ ఇచ్చింది. అభయ్ డియోల్ తన పాత్ర పరిధిలో మెప్పించారు. లీడ్ పెయిర్ మధ్య వచ్చే ఫిషింగి ఎపిసోడ్ ఆసక్తిగా సాగింది.

ఏమి బాగోలేదు?

ఈ రొమాంటిక్ డ్రామాలో బలమైన కాన్ఫ్లిక్ట్ పాయింట్ ఏమి ఉండదు. టీనేజర్స్ కు ఎదురైయ్యే సంఘటనలు దానికి వారు స్పందించిన తీరు ఇలా కథ చాలా సాదాసీదాగా సాగుతుంది. నెమ్మదిగా సాగే కథనం ఆర్ట్ ఫిలిం ని తలపిస్తుంది. ఎమోషన్స్ కొంచెం బలంగా తీర్చిదిద్ది ఉంటే బాగుండేది.

చివరి మాటగా

ఇద్దరు టీనేజర్స్ కి కొన్ని విషయాలకు ఎలా స్పందిస్తారు, వాటి నుండి వారు ఎలా బయటపడతారు అనే తీరుగా సాగే ఈ కథలో చెప్పుకోదగ్గ కొత్తదనం ఏమి లేదు. ఐతే ప్రధాన పాత్రలు చేసినవారి నటన మరియు అక్కడక్కడా ఆకట్టుకొనే సన్నివేశాలు కొంచెం ఉపశమనం ఇస్తాయి. కానీ తప్పకుండా చూడాల్సిన సినిమా ఐతే కాదు.

Rating: 2.5/5

నటీనటులు: వీర్ దాస్, రణవీర్ షోరే, మనోజ్ పహ్వా

దర్శకత్వం: నిఖిల్ గోన్సాల్వ్స్

నిర్మాత (లు): మోనిషా అద్వానీ, మధు భోజ్వానీ, నిఖిల్ అద్వానీ, వీర్ దాస్, సమీర్ నాయర్

సినిమాటోగ్రఫీ: ఆకాష్ అగర్వాల్

లాక్ డౌన్ రివ్యూ సిరీస్ లో నెక్స్ట్ ఛాయిస్ హిందీ వెబ్ సిరీస్ హస్ముఖ్. క్రైమ్ థ్రిల్లర్ గా తెరకెక్కిన ఈ సిరీస్ ని నిఖిల్ గోన్సాల్వ్స్ తెరకెక్కించగా నెట్ ఫిక్స్ లో అందుబాటులో ఉంది. మరి ఈ వెబ్ సిరీస్ ఎలా ఉందో సమీక్షలో చూద్దాం..

కథాంశం ఏమిటీ?

ప్రముఖ స్టాండప్ కమెడియన్ గులాటి(మనోజ్ పహ్వ) దగ్గర అసిస్టెంట్ గా చేరుతాడుహస్ముఖ్(వీర్ దాస్). స్టేజ్ పై తన ప్రదర్శనకు అవకాశం ఇవ్వలేదన్న కోపంతో హస్ముఖ్ తన గురువు గులాటిని చెంపేస్తాడు. ఐతే స్టాండప్ కమెడియన్ గా హస్ముఖ్ సక్సెస్ కాలేక పోతాడు. కాగా గులాటి మేనేజర్ జిమ్మీ(రణ్వీర్ షోరేయ్) సలహా మేరకు షోలో కామెడీ పండించాలంటే ఒకరిని చంపితే ప్రేరణ వస్తుందన్న సూత్రాన్ని ఫాలో అవుతాడు. ఒక ప్రక్క స్టేజ్ పై నవ్వులు కురిపిస్తూ మరో ప్రక్క కిల్లర్ గా మారిన హస్ముఖ్ కథ ఎలా ముగిసింది అనేది మిగతా కథ.

ఏమి బాగుంది?

ఆసక్తికర నేరపూరిత సన్నివేశాలతో సాగే హస్ముఖ్ సిరీస్ ప్లాట్ ఆకట్టుకుంటుంది. ప్రధాన పాత్రలు చేసిన వీర్ దాస్ స్టాండప్ కమెడియన్ గా సీరియల్ కిల్లర్ గా రెండు విరుద్ధ స్వభావాలు కలిగిన పాత్రలో మెప్పించారు. ఐతే సిరీస్ లో అందరినీ ఆకర్శించే పాత్ర గులాటీ. వీర్ దాస్ కి గైడ్ గా ఉండే పాత్రలో రణ్వీర్ షోరేయ్ ప్రేక్షకులను తనపువైపు తిప్పుకున్నారు. ఆయన నటన మరియు డైలాగ్స్ ఆకట్టుకుంటాయి. ఇక ఫస్ట్ 3 ఎపిసోడ్స్ ఆసక్తికరంగా సాగాయి. నిర్మాణ విలువలు చాలా బాగున్నాయి. డైలాగ్స్ ప్రధాన ఆకర్షణ అని చెప్పొచ్చు.

ఏమి బాగోలేదు?

అద్భుతమైన ప్రారంభం కలిగిన ఈ సిరీస్ ఎపిసోడ్స్ గడిచే కొద్దీ పట్టుకోల్పోయింది. ఎపిసోడ్స్ పెరిగే కొద్దీ పరిచయమయ్యే కొత్త పాత్రలు ఆకర్షణ కాకపోగా భారంగా తయారయ్యాయి. అక్కడ క్రైమ్ నేపథ్యంతో సంబంధం లేని కొన్ని పాత్రలు విసుగుపుట్టిస్తాయి.

ఒక క్రైమ్ థ్రిల్లర్ కి వేగంగా సాగే స్క్రీన్ ప్లే తక్కువ నిడివి ఆకర్షణ ఇస్తాయి. కానీ ఈ సిరీస్ లో ఓ చిన్న పాయింట్ ని పది ఎపిసోడ్స్ వరకు సాగదీసిన భావన కలుగుతుంది. ఒక దశ దాటిన తరువాత ప్రధాన పాత్రల మధ్య ఎమోషన్స్ తేలిపోయాయి.

చివరిమాటగా

అద్భుతమైన ఆరంభం, ప్రధాన పాత్రల ఆకట్టుకొనే నటన, కొన్ని క్రైమ్ సన్నివేశాలతో పాటు, కామెడీ యాంగిల్ ఆకట్టుకుంటుంది. ఐతే ఎపిసోడ్స్ గడిచే కొద్దీ సిరీస్ పట్టుకోల్పోయింది. లాజిక్ లేకుండా సాగే సన్నివేశాలు మరియు నిరాశక్తిగా సాగే కథనం సిరీస్ పై ఆసక్తి కోల్పోయేలా చేశాయి.

Rating: 2.5/5

నటీనటులు : నవదీప్, పుజితా పొన్నాడ, వెంకట్, అమిత్ తివారీ, ముక్తర్ ఖాన్, కౌసల్య, మనాలి రాథోడ్, షఫీ, మధు నందన్, భాను శ్రీ, కిరీతి దామరాజు మరియు ఇతరులు

దర్శకుడు : లక్ష్మీకాంత్ చెన్నా

ఛాయాగ్రాహకుడు : సజీష్ రాజేంద్రన్

సంగీతం : నరేష్ కుమారన్

ప్రొడక్షన్ హౌస్ : ఫస్ట్ ఫ్రేమ్ ఎంటర్టైన్మెంట్

లాక్ డౌన్ రివ్యూ సిరీస్ లో మన నెక్స్ట్ మూవీ ఆహా ఒరిజినల్ తెలుగులో విడుదలైన రన్. దర్శకుడు లక్ష్మీ కాంత్ చెన్నా తెరకెక్కించిన ఈ సస్పెన్సు థ్రిల్లర్ ఎలా ఉందో సమీక్షలో చుద్దాం..

కథాంశం ఏమిటీ?

ఏడాది క్రితం పెళ్లి చేసుకున్న సందీప్ (నవదీప్), శృతి(పూజిత పొన్నాడ) ఇద్దరు ఎంతో హ్యాపీగా జీవితాన్ని గడుపుతుంటారు. వెడ్డింగ్ యానివర్సరీ రోజు నవదీప్ కు షాక్ ఇస్తూ శృతి చనిపోయిందన్న వార్త తెలుస్తుంది. విషయం తెలుసుకుని అక్కడకు వచ్చిన పోలీసులు ఇంటరాగేషన్ మొదలుపెడతారు. ఆమెది సూసైడ్ కాదు మర్డర్ అని తెలుసుకుంటారు. శృతి భర్త సందీప్ కావాలని ఆమెను చంపాడని అనుమానిస్తారు. పోలీసుల నుండి తప్పించుకున్న సందీప్ తన భార్యను హత్య చేసిన వారి గురించి వెతకడం మొదలుపెడతాడు. ఇంతకీ శ్రుతిని చంపింది ఎవరు..? సందీప్, శృతి లైఫ్ లో వచ్చిన ఆ మూడో వ్యక్తి కథ ఏమిటీ? శృతిని చంపాల్సిన అవసరం ఎవరికి ఉంది? అనే విషయాల సమాహారమే రన్ మూవీ…

ఏమి బాగున్నది?
ఈ మూవీకి తన నటనతో ప్రధాన ఆకర్షణగా నిలిచాడు హీరో నవదీప్, చేయని నేరంలో ఇరుకున్న భర్తగా, భిన్న షేడ్స్ కలిగిన పాత్రలో ఆయన ఆకట్టుకున్నారు. ఈ మూవీ అంతా నవదీప్ వన్ మాన్ షో అన్నట్లు సాగింది. క్లైమాక్స్ లో కూడా నవదీప్ చక్కని నటనతో ఆకట్టుకున్నాడు.

నవదీప్ భార్య రోల్ చేసిన పూజిత క్యూట్ అండ్ గ్లామరస్ గా ఉంది. ఆమె పాత్రకు పెద్దగా పరిధి లేకున్నప్పటికీ ఉన్నంతలో ఆకట్టుకొనే నటనతో మెప్పించింది. ఇక ఓ కీలక రోల్ దక్కించుకున్న అమిత్ చక్కని నటన కనబరిచారు. సపోర్టింగ్ రోల్స్ చేసిన, భానుశ్రీ, షఫీ పరిధిమేర ఆకట్టుకున్నారు.

చాలా కాలం తరువాత స్క్రీన్ పై కనిపించిన నటుడు వెంకట్ పోలీస్ రోల్ లో సహజంగా నటించారు. ఆయన ఆ పాత్రకు చక్కగా సరిపోయారు. ఇక మూవీ ప్రారంభం, అక్కడక్కడా ఆకట్టుకొనే ట్విస్ట్స్ బాగున్నాయి. నిర్మాణ విలువలు ఉన్నతంగా ఉన్నాయి. ముఖ్యంగా మూవీ బీజీఎమ్ అద్భుతం అని చెప్పాలి.

ఏమి బాగోలేదు?
సైకోలాజికల్ థ్రిల్లర్స్ ఎంచుకొనే టప్పుడు డైరెక్టర్ ప్రతి విషయంలో జాగ్రత్తగా ఉండాలి. రన్ మూవీని దర్శకుడు అద్భుతమైన ఆరంభంతో పాటు ఆకట్టుకొనే ట్విస్ట్స్ తో తెరకెక్కించాడు. ఐతే ప్రధాన పాత్ర చేసిన నవీద్ నేపథ్యం ఇంకా బాగా ఎస్టాబ్లిష్ చేయాల్సింది. మూవీ క్లైమాక్స్ సైతం హడావుడిగా ముగించారు. ఈ వెబ్ మూవీ ట్రైలర్ చూసి నిజంగా సస్పెన్స్ తో ఆడియెన్స్ ను థ్రిల్ చేస్తుందని అనుకున్నారు. కానీ ఆశించిన స్థాయిలో లేదని చెప్పొచ్చు. సినిమాను నడిపించడానికి కొన్ని అవసరం లేని పాత్రలను కూడా తీసుకున్నాడు. అంత తక్కువ నిడివిలో సినిమా ఎందుకు ముగించారో అర్థం కానీ పరిస్థితి. సస్పెన్స్ థ్రిల్లర్ కి ఇచ్చిన ముగింపు కూడా కన్విన్సింగ్ గా లేదు.

చివిరి మాటగా
ఆసక్తికమైన పాయింట్ తో పాటు అద్భుతమైన ఆరంభం కలిగిన రన్ మూవీ చిన్నగా పట్టుకోల్పోతుంది. ఆకట్టుకోని కథనం, హడావుడిగా ముగించిన విధానం మరియు చివరి 20 నిమిషాల మూవీ ప్రేక్షుకుడికి నిరాశ కలిగిస్తాయి. హీరో నవదీప్ నటన, అక్కడక్కగా వచ్చే ట్విస్ట్స్ కొంచెం ఉపశమనం కలిగించే అంశాలు. లాక్ డౌన్ సమయంలో ఓ సారి చూద్దాం అనుకుంటే చూడండి.

Rating: 2.5/5

నటీనటులు: వినీత్ కుమార్ సింగ్, అహనా కుమ్రా

దర్శకత్వం: పాట్రిక్ గ్రాహం, నిఖిల్ మహాజన్

నిర్మాత (లు): గౌరీ ఖాన్, గౌరవ్ వర్మ

సినిమాటోగ్రఫీ: శ్రీనివాస్ ఆచారీ, తనయ్ సతం

మన లాక్ డౌన్ రివ్యూ సిరీస్ లో నేడు హిందీ వెబ్ సిరీస్ భేతాళ్ ని ఎంచుకోవడం జరిగింది. జొంబీ హార్రర్ సిరీస్ గా వచ్చిన ఈ సిరీస్ నెట్ ఫ్లిక్స్ లో అందుబాటులో ఉండగా ఎలా ఉందో సమీక్షలో చూద్దాం…

కథాంశం ఏమిటీ?

స్వార్థపరుడైన ఓ బడా కాంట్రాక్టర్ ఓ మారుమూల ప్రాంతంలోని పాడుబడ్డ టన్నెల్ ని ఓపెన్ చేసి రోడ్డు నిర్మించాలని అనుకుంటాడు. ఐతే అది శపించబడ్డ ప్రాంతం దానిజోలికి వెళితే నాశనం తప్పదు అని అక్కడి స్థానికులు హెచ్చరిస్తారు. మొండివాడైన కాంట్రాక్టర్ ఎలాగైనా ఆ టన్నెల్ ఓపెన్ చేయాలని ఓ ప్రైవేట్ ఫోర్స్ సాయం తీసుకుంటాడు, ఐతే అక్కడ ఉన్న దుష్ట శక్తుల నుండి ఈ సైన్యానికి ప్రతి ఘటన ఎదురవుతుంది. ఆ టన్నెల్ ఓ దుష్ట శక్తి పెద్ద జొంబీ సైన్యాన్ని సిద్ధం చేసుకొని ఉంటాడు. అతేంద్రియ శక్తులతో పోరాడి ఆ సైన్యం టన్నెల్ ఓపెన్ చేశారా లేదా అనేది మిగతా కథ

ఏమి బాగుంది?

ప్రధాన పాత్ర చేసిన అహనా కుమ్ర నటన మెప్పిస్తుంది. స్పెషల్ టీమ్ లో సభ్యురాలిగా ఆమె వీరోచిత నటన మెప్పిస్తుంది. చాలా కాలం తరువాత ఓ సాలిడ్ రోల్ దక్కించుకున్న సుచిత్ర పిళ్ళై మంచి నటన కనబరిచింది. నిర్మానుష్యమైన ప్రాంతం, అక్కడ హార్రర్ సెటప్ బాగుంది. నిర్మాణ విలువలు చాలా ఉన్నతంగా ఉన్నాయి. ప్రతి ఫ్రెమ్ చాలా రిచ్ మరియు ఆకర్షణీయంగా ఉంది. సౌండ్ డిజైన్ మరియు బీజీఎమ్ ఆకట్టుకొనే అంశాలు. ప్రధాన పాత్రలు చేసిన వారి నటన కథలో సహజంగా సాగుతుంది. ఎడిటింగ్ కూడా ఆకట్టుకుంది.

ఏమి బాగోలేదు?

భేతాళ్ ట్రైలర్ చూసిన తరువాత ఓ మంచి జొంబీ హారర్ చూడబోతున్నాం అన్న ఆలోచన కల్గుతుంది. అలాగే ఈ సిరీస్ మొదటి ఎపిసోడ్ కూడా ఆసక్తికరంగా సిరీస్ పై అంచలనాలు పెంచేదిగా ఉంటుంది. ఐతే నెక్స్ట్ ఎపిసోడ్ నుండి కథ మరియు కథనం పట్టుకోల్పోయాయి. క్రియేటివిటీ పేరుతో అస్సలు లాజిక్ ఫాలో కాలేదు. ఓ హారర్ సిరీస్ కి కావలసిన ఉత్కంఠ, భయం భేతాళ కలిగించ లేకపోయింది. నెమ్మదిగా సాగే కథనం ఇబ్బంది పెట్టిన మరో అంశం.

చివరి మాటగా

మొత్తంగా చెప్పాలంటే జొంబీ హారర్ సిరీస్ గా వచ్చిన భేతాళ్ చక్కని ప్రారంభం దక్కించుకున్నప్పటికీ ఆ మజా చివరి వరకు కొనసాగించలేక పోయింది. సెకండ్ ఎపిసోడ్స్ నుండే భేతాళ్ సాగదీత ధోరణిలో సాగుతుంది. జొంబి హారర్ చిత్రాలు ఇష్టపడే వారు ఓ సారి చూడవచ్చు, కానీ గత చిత్రాల మాదిరి ఒళ్ళు గగ్గుర్ గొలిపే సన్నివేశాలు మాత్రం ఆశించకూడదు.

Rating: 2.5/5

తారాగణం: సియెర్రా మెక్‌కార్మిక్, జేక్ హోరోవిట్జ్

రచన: జేమ్స్ మాంటెగ్, క్రెయిగ్ డబ్ల్యు. సాంగెర్

దర్శకత్వం: ఆండ్రూ ప్యాటర్సన్

ఈ లాక్ డౌన్ సమయంలో సినిమాలతో పాటు వెబ్ సిరీస్ లను సమీక్షించే శ్రేణిని కొనసాగిస్తూ.. నేటి సినిమాగా వచ్చిన సిరిస్ ‘ది వాస్ట్ ఆఫ్ నైట్’. ఆండ్రూ ప్యాటర్సన్ దర్శకత్వం వహించారు. ఈ మూవీ ‘అమెజాన్ ప్రైమ్‌’లో అందుబాటులో ఉంది. మరి ఈ మూవీ ఎలా ఉందో సమీక్షలో చూద్దాం.

కథా నేపథ్యం :

న్యూ మెక్సికోలోని కయుగా అనే చిన్న పట్టణంలో 1950 నాటి కాలంలో ఈ కథ సాగుతుంది. స్విచ్ బోర్డ్ ఆపరేటర్ ఫే (సియెర్రా మెక్‌ కార్మిక్) మరియు రేడియో జాకీ ఎవెరెట్ బృందం ఒక సీక్రెట్ మీద పని చేస్తుంటారు. అయితే ఒక రాత్రి, ఆ పట్టణం నుండి నుండి దాదాపు అందరూ బాస్కెట్‌బాల్ మ్యాచ్ చూడటానికి వెళతారు, దాంతో టెలిఫోన్ స్విచ్‌బోర్డ్‌ను ఆపరేట్ చేయడానికి ఫే ఇంట్లోనే ఉంటుంది. అకస్మాత్తుగా, ఆ సమయంలో ఆమె ఒక వింత ఆడియో ఫ్రీక్వెన్సీని వింటుంది. ఈ వింత సంఘటనల గురించి ఫేకు అనుమానం వస్తుంది. ఆ తరువాత ఏమి జరుగుతుందో అర్థం చేసుకోవడానికి ఆమె ఎవెరెట్ సహాయం తీసుకుంటుంది. ఆ తరువాత జరిగిన కొన్ని నాటకీయ పరిణామాల అనంతరం ఫే మరియు ఎవెరెట్ వారి పట్టణంలో ఏమి జరుగుతుందో తెలుసుకోవడానికి వాళ్ళు ఎలాంటి ప్రయత్నాలు చేశారు ? ఆ ప్రయత్నిస్తున్న క్రమంలో చోటు అంశాలు ఏమిటి అనేది మిగిలిన కథ.

ఏం బాగుంది :

ఈ చిత్రానికి దర్శకత్వం వహించిన ఆండ్రూ ప్యాటర్సన్, తనకు పరిమిత వనరులు ఉన్నప్పటికీ కథను సాధ్యమైనంత నాటకీయ పరిణామాలతో మరియు సస్పెన్స్‌ డ్రామాతో చక్కగా తెరకెక్కించాడు. మొత్తం కథ తక్కువ వ్యవధిలోనే ముగుస్తుండటంతో ఫే మరియు ఎవెరెట్ రహస్యాన్ని చేదించే క్రమంలో వచ్చే సీన్స్ లో మంచి ఎమోషన్ అండ్ డ్రామా ఉంది. ఒకానొక సమయంలో, ఆడియో ఫ్రీక్వెన్సీకి గ్రహాంతరవాసులతో సంబంధం ఉందని స్పష్టమవుతుంది; ఏదేమైనా, సినిమా అంతటా ఆ టెన్షన్ ను బాగా మెయింటైన్ చేశారు. అంతేకాక, తరువాత ఏమి జరుగుతుందో అనే ఆసక్తి కూడా చాల బాగుంది. కథను ఆసక్తికరమైన విభాగాలుగా విభజించడంలో దర్శకుడు ఆసక్తికరమైన మార్గాన్ని ఎంచుకున్నారు.

ఏం బాగాలేదు :

ఫే మరియు ఎవెరెట్ సుదీర్ఘ సంభాషణను కలిగి ఉన్న సన్నివేశాల వల్ల ఈ సినిమా యొక్క ప్రారంభ విభాగం అర్థం చేసుకోవడం చాలా కష్టం, ఎందుకంటే ఈ చిత్రం చెప్పడానికి ప్రయత్నించే వాస్తవ కథతో ముడిపడి ఉన్నట్లు అనిపించదు. ఏదేమైనా, ఒక అధునాతన సాంకేతిక పరిజ్ఞానం గురించి కొన్ని సూచనలు ఉన్నాయి, ఈ కథ సైన్స్-ఫిక్షన్ గురించి అని సూచిస్తుంది. ఫే మరియు ఎవెరెట్ ఏమి వెతుకుతున్నారో మనం గ్రహించిన తర్వాత, కథ బాగా స్లోగా మారుతుంది. ఈ కథ మొత్తం రెండు పాత్రలు ఒక రహస్యాన్ని వెలికి తీసే సీన్స్ బాగా అనిపించవు.

చివరి మాటగా :

పారడాక్స్ థియేటర్ యొక్క ఎపిసోడ్ గా రూపొందించబడినందున ఈ కథ చెప్పడం ఖచ్చితంగా ఆసక్తిని కలిగించింది. ఇక ఇది ఆంథాలజీ టెలివిజన్ సిరీస్. ఇది ఒక చలనచిత్రంలోనే ఒక చిత్రాన్ని చూడాలనే భావన నుండి వివధ అనుభూతులకు గురి చేస్తోంది. అదే సమయంలో, ఈ సాంకేతికత భిన్నమైన ఎడిటింగ్ శైలి కూడా బాగుంది. ఒక రకంగా చెప్పాలంటే, యుఎఫ్‌ఓ-వ్యామోహం మరియు గ్రహాంతరవాసుల గురించి కుట్ర సిద్ధాంతం గురించి కూడా ఇది చాలా అద్భుతంగా చెప్పబడింది. మీరు సైన్స్ ఫిక్షన్ చిత్రాలకు అభిమాని అయితే, మీరు అన్వేషించగలిగే చిత్రాల జాబితాకు ది వాస్ట్ ఆఫ్ నైట్ మంచి ఛాయిస్ అవుతుంది. మీరు దీనిని హ్యాపీగా చూడొచ్చు.

Rating: 3/5

తారాగణం: సుమీత్ వ్యాస్, ఇషా గుప్తా

రచన: గోల్డీ బెహల్

దర్శకత్వం: గోల్డీ బెహల్

ఈ లాక్ డౌన్ సమయంలో సినిమాలతో పాటు వెబ్ సిరీస్ లను సమీక్షించే శ్రేణిని కొనసాగిస్తూ.. నేటి వెబ్ సిరీస్ గా వచ్చిన సిరిస్ ‘రిజెక్ట్ఎక్స్’. గోల్డీ బెహల్ దర్శకత్వం వహించారు. ఈ సిరీస్ ‘జీ5’లో అందుబాటులో ఉంది. మరి ఈ సిరిస్ ఎలా ఉందో సమీక్షలో చూద్దాం.

కథా నేపథ్యం :

రిజెక్ట్ఎక్స్ అనేది సింగపూర్‌లోని ఒక ప్రైవేట్ పాఠశాలలో చదువుకుంటున్న ధనవంతులైన పిల్లలకు సంబంధించిన కథ. మొదటి సీజన్ లో ఒక విద్యార్థి అనుష్క (కుబ్రాసైత్) చంపబడిన సస్పెన్స్ తో ముగిసిన తరువాత, రెండవ సీజన్ ఇతర విద్యార్థులలో ఒకరైన ఆరవ్ (అహ్మద్ మాసి వాలీ) తన తండ్రిని చంపడానికి ప్రయత్నించడంతో ప్రారంభమవుతుంది. అతను కొత్త సెమిస్టర్ కోసం పాఠశాలకు తిరిగి వస్తాడు. మరియు కియారా (అనిషా విక్టర్)తో ప్రేమలో పడతాడు. వీటన్నిటిలోనూ, అనుష్క మరణంపై దర్యాప్తు చేయడానికి ఆఫీసర్ రెనే (ఇషా గుప్తా) వస్తోంది. ఇంతకీ కిల్లర్ ఎవరు? అసలు ఆ ధనిక విద్యార్థుల మధ్య జరిగింది ఏమిటి? అనేదే మిగిలిన కథ.

ఏం బాగుంది :

ఈషా గుప్తా గ్లామరస్ కాప్ పాత్రను బాగా పోషించింది. ఈ సిరీస్ చాలా స్కిన్ షో మరియు రొమాన్స్ తోనే నిండి ఉంది, యువ తరం ఇష్టపడే అంశాలు చాల ఉన్నాయి. ఇక హత్యకి సంబంధించిన సీన్స్ కూడా బాగున్నాయి. మరియు సస్పెన్స్ చివరి ఎపిసోడ్ ద్వారా ముగిసిన విధానం రెండవ సీజన్ లో బాగా సెట్ చేయబడింది. హిమాన్షు దుబే ఛాయాగ్రహణం కొన్ని గొప్ప విజువల్స్ అదించింది. అర్జున్ శ్రీవాస్తవ ఎడిటింగ్ కూడా చాలా బాగుంది. ఈషా గుప్తా ప్రవేశంతో ప్రారంభ ఎపిసోడ్లు మరియు ఆమె ధనిక పిల్లలతో వ్యవహరించడం కూడా బాగా బాగుంది.

ఏం బాగాలేదు :

రెండవ సీజన్ యొక్క రచన చాలా బలహీనంగా ఉంది. సస్పెన్స్ కోసమే వ్రాసిన చాలా సన్నివేశాలు బాగాలేదు. మరియు దానిలో ఒక ఇంట్రస్ట్ లేదు. ఈషా గుప్తా పాత్ర కూడా కొంచెం బెటర్ గా వుంటే బాగుండేది. పైగా ఈ సిరీస్ లో డ్రామా గురించి చెప్పుకోవడానికి ఏమి లేదు.

ఈ ధారావాహికలో పాటలు కూడా ఉన్నాయి. ప్రదర్శన నుండి ఒక్క పాట కూడా క్లిక్ చేయదు. ప్రముఖ దర్శకుడు గోల్డీ భెల్ మెదటి సీజన్ లో చేసిన తప్పును సెకెండ్ సీజన్ లో కూడా ఆయన తన తప్పును సరిదిద్దుకోలేదు. అయినా సీక్వెల్ అవసరమయ్యే సారాంశం గాని మరియు ఆకర్షణ గాని ఈ సిరిస్ లో లేదు.

చివరి మాటగా :

మొత్తంమీద, రిజెక్ట్ఎక్స్ అనే హిందీ వెబ్ సిరీస్ లో సస్పెన్స్ లేకపోయినా మోతాదుకు మించి గ్లామర్ అండ్ రోమాన్స్ ను కలిగి ఉంది. మొదటి సీజన్ లాగే రెండవ సీజన్‌ కూడా గుడ్ కంటెంట్ తో రాలేదు. అయితే టీనేజ్ పాఠశాల వెళ్ళే పిల్లలు ఈ సిరీస్‌ను ఇష్టపడతారు, కాని డ్రామా మరియు ఎమోషన్స్ లేనందున ఇతరులకు బోరింగ్ వాచ్‌ గా ముగుస్తుంది.

Rating: 2/5

లాక్ డౌన్ రివ్యూ సిరీస్ లో నెక్స్ట్ ఛాయిస్ గా హిందీ వెబ్ సిరీస్ అసుర్ ని తీసుకోవడం జరిగింది. క్రైమ్ అండ్ హారర్ థ్రిల్లర్ గా వచ్చిన అసుర్ ఎలా ఉందొ సమీక్షంలో చూద్దాం..

కథాంశం ఏమిటీ?
ఓ నగరంలో వరుస హత్యలు జరుగుతాయి. ఫోరెన్సిక్ నిపుణుడు అయిన ధనంజయ్ రాజ్ ఫుత్(హర్షద్ వార్షి) ఈ కేసుపై ఇన్వెస్టిగేషన్ మొదలుపెడతాడు. అనుకోకుండా ధనుంజయ్ మర్డర్ కేసులో ఇరుక్కొని జైలుపాలవుతాడు. అనంతరం ఈ హత్యల వెనుక ఎవరున్నారు అని తెలుసుకోవడానికి నిఖిల్ నైర్(బరున్ సొబ్టి) రంగంలోకి దిగుతాడు. మరి ఈ సీరియల్ మర్డర్స్ వెనుక ఉన్న రహస్యం ఏమిటీ? దానిని వారు ఎలా ఛేదించారు అనేది మిగతా కధాంశం.

ఏమిబాగుంది?
క్రైమ్, మైథాలజీ మరియు సస్పెన్సు కలిగిన సిరీస్ ఉత్కంఠగా సాగుతుంది. సాధారణంగా హిందీ సినిమాలలో కామెడీ రోల్స్ చేసే హర్షద్ వార్షి, ఓ సీరియస్ ఇంటెన్స్ పాత్రలో అద్భుతంగా నటించాడు. పోలీస్ పాత్రలో బరున్ సొబ్తి సైతం మంచి నటనతో మెప్పించారు.

ప్రతి ఎపిసోడ్ లో కట్టిపడేసే సస్పెన్సు, ఉత్కంఠతో సాగే ఈ క్రైమ్ థ్రిల్లర్ ప్రేక్షకుడికి మంచి అనుభూతిని పంచుతుంది. క్రైమ్ సన్నివేశాలు, నేపథ్యం బాగా కుదిరాయి.

ఏమి బాగోలేదు
సి ఐ డి, క్రైమ్ పెట్రోల్ వంటి ఫేమస్ క్రైమ్ సీరియల్స్ నుండి స్ఫూర్తి పొందారు అన్న భావన కలుగుతుంది. కంటెంట్ పరంగా కేవలం అడల్ట్ కోసం ఉద్దేశించి కావడంతో పాటు, ఒక వర్గం ప్రేక్షకులు ఇష్టపడక పోవచ్చు.

చివరి మాటగా
మొత్తంగా చెప్పాలంటే అసుర్ ఆద్యంతం ఆసక్తిగా సాగే అద్భుతమైన క్రైమ్ అండ్ సన్పెన్స్ థ్రిల్లర్ అని చెప్పుకోవచ్చు. ముఖ్యంగా హారర్
అండ్ క్రైమ్ థ్రిల్లర్స్ ఇష్టపడే వారికి ఇది మంచి అనుభూతిని పంచుతుంది. లాక్ డౌన్ లో మంచి ఛాయిస్ గా అసుర్ ని చెప్పుకోవచ్చు.

Rating: 3.5/5

నటీనటులు: నవాజుద్దీన్ సిద్దిఖీ, రాగిణి ఖన్నా, అనురాగ్ కశ్యప్, రజాక్ ఖాన్, రఘువీర్ సింగ్..
దర్శకుడు: పుష్పేంద్ర నాథ్ మిశ్రా

లాక్ డౌన్ రివ్యూ సిరీస్ లో మన నెక్స్ట్ ఛాయిస్ హిందీ ఫిల్మ్ ఘోమ్ కేతు. థియేటర్ రిలీజ్ లేకుండా డైరెక్ట్ గా ఓ టి టి ప్లాట్ ఫార్మ్ లోకి అందుబాటులోకి వచ్చిన ఈ చిత్రం ఎలా ఉందో సమీక్షలో చూద్దాం..

కథాంశం ఏమిటి?
ఉత్తర్ ప్రదేశ్ కి చెందిన ఘోమ్ కేతు(నవాజుద్దీన్ సిద్దిఖీ) బాలీవుడ్ లో పెద్ద రైటర్ గా ఎదగాలని ముంబైకి పారిపోతాడు. ఐతే అక్కడ రచయితగా అవకాశాలు రాక విసిగిపోతాడు. ఇక ఘోమ్ కేతు 30రోజులలో ఎలాగైనా సాధించి తీరాలని ఓ టార్గెట్ పెట్టుకొని సీరియస్ గా ప్రయత్నాలు చేస్తూ ఉంటాడు. ఇదే సమయంలో ఘోమ్ కేతు తల్లిదండ్రులు ఎలాగైనా అతన్ని వెతికి పట్టుకురామని బద్లాని(అనురాగ్ కశ్యప్) అనే పోలీస్ కి బాధ్యత అప్పగిస్తారు. మరి ఘోమ్ కేతు రచయితగా ఎదిగాడా? ఓడిపోయి ఇంటికి చేరాడా? అనేది తెలియాలంటే ఈ మూవీ చూడాల్సిందే…

ఏమి బాగుంది?
ఈ సినిమా కొరకు తీసుకున్న నటీనటులు అద్భుతం . నిర్మాత అనురాగ్ కశ్యప్ పరిశ్రమలోని మంచి నటులను ఈ చిత్రం కోసం ఎంపిక చేశారు. ఇక రచయితగా ఎదగాలనుకునే ఓ పల్లెటూరి ఇన్నోసెంట్ వ్యక్తిగా నవాజుద్దీన్ అద్భుతం అనాలి. ఆయన యూపీ విలేజ్ యాక్సన్ట్ ఆకట్టుకుంది.

నవాజుద్దీన్ తండ్రి పాత్ర చేసిన రఘువీర్ యాదవ్ తెరపై నవ్వులు పూయించారు. ఆయన పాత్ర సినిమాకు ఓ ఆకర్షణ. బాలీవుడ్ లో సెలబ్రిటీలుగా ఎదగాలనుకునే వారి కలల ప్రయాణం చక్కగా చూపించారు. ఈ కథలో హాస్యం చక్కగా కుదిరింది. క్లైమాక్స్ ట్విస్ట్స్, బీజీఎమ్ ఆకట్టుకున్నాయి.

ఏమి బాగోలేదు?
గతంలో అనేక సినిమాలలో ఇలాంటి నేపథ్యం ఉండడం వలన కొత్త మూవీ చూస్తున్న భావన రాదు. అద్భుతమైన ఆరంభం మరియు క్లైమాక్స్ మినహా మధ్యలో మూవీ స్లోగా సాగుతుంది.

చివరి మాటగా
కొత్తదనం లేని కథ అయినప్పటికీ నవాజుద్దీన్ మరియు ఇతర నటీనటుల అద్భుత నటన, క్లైమాక్స్ ట్విస్ట్, హ్యూమర్ ఆకట్టుకుంటాయి. లాక్ డౌన్ సమయంలో ఈ మూవీ చూడవచ్చు.

Rating: 3/5

నటీనటులు : నేహా శర్మ, పియూష్ మిశ్రా, అక్షయ్ ఒబెరాయ్

దర్శకుడు: సాహిర్ రాజా

డి ఓ పి : సమీర్ ఆర్య

సృజనాత్మక నిర్మాత: సమర్ ఖాన్

మన లాక్ డౌన్ రివ్యూ సిరీస్ లో నెక్స్ట్ ఛాయిస్ గా హిందీ వెబ్ సిరీస్ ఇల్లీగల్ ని ఎంచుకోవడం జరిగింది. వూట్ లో అందుబాటులో ఉన్న ఈ సిరీస్ ఎలా ఉందో సమీక్షలో చూద్దాం…

కథాంశం ఏమిటీ?

ఢిల్లీ లోనే పేరుమోసిన క్రిమినల్ లాయర్స్ లో ఒకరైన జనార్దన్ జైట్లీ(పీయూష్ మిశ్రా) ఓ లా ఫర్మ్ నడుపుతూ ఉంటారు. మరణ శిక్ష పడిన కుబ్రా సేథ్ కేసును వాదించడానికి జనార్దన్ యంగ్ టాలెంటెడ్ లేడీ లాయర్ నిహారిక సింగ్(నేహా శర్మ)ని నియమించుకుంటారు. ఈ కేసుతో పాటు సెక్స్ వల్ హరాస్మెంట్ ఆరోపణలు ఎదుర్కొంటున్న ఓ సంస్థ కేసును కూడా వాదించే బాధ్యత నిహారిక సింగ్ కి దక్కుతుంది. మరి అత్యంత క్లిస్టమైన ఈ రెండు కేసులను వాదించే క్రమంలో నిహారిక ఎదుర్కొన్న సమస్యలు ఏమిటీ? చివరకు ఈ కేసులను వాదించి గెలిచిందా లేదా అనేది మిగతా కథ..

ఏమి బాగుంది?

సాధారణంగా గ్లామర్ రోల్స్ చేసే నిహారిక పంథా మార్చి నటనకు ప్రాధాన్యం ఉన్న పాత్ర చేసింది. కోర్ట్ రూమ్ సన్నివేశాలలో ఆమె నటన మెప్పిస్తుంది. శిక్ష పడిన ముద్దాయిగా కుబ్రా సైత్ నటన మెప్పిస్తుంది.

విలన్ రోల్ చేసిన పీయూష్ మిశ్రా నటన సిరీస్ కి ప్రధాన ఆకర్షణ. కేసులో విచారణ మరియు వాదనలలో వెలుగు చూసే ట్విస్ట్స్ అలరిస్తాయి. అప్పట్లో దేశాన్ని ఊపేసిన మీ టూ వంటి విషయాన్ని చెప్పిన తీరు బాగుంది. బీజీఎమ్ అలాగే నిర్మాణ విలువలు ఉన్నతంగా ఉన్నాయి.

ఏమి బాగోలేదు?

స్లోగా మొదలైన సిరీస్ లో ప్రారంభములోనే వచ్చే అనేక పాత్రలు కొంచెం గందర గోళానికి గురి చేస్తాయి. సిరీస్ ని 5-6 ఎపిసోడ్స్ లో ముగిస్తే మంచి అనుభూతి కలిగేది, పది ఎపిసోడ్స్ సాగిన ఈ సిరీస్ సాగదీతకు గురైన భావన కలుగుతుంది. రైటింగ్ అంతగా ఆకట్టుకోదు, అలాగే కొన్ని సన్నివేశాలలో లాజిక్ అసలు ఫాలో కాలేదు.

చివరి మాటగా

కొంచెం సాగదీత ధోరణిలో సాగినప్పటికీ కేసులు ఛేదించే క్రమంలో వచ్చే అలరించే ట్విస్ట్స్, ప్రధాన పాత్రలు చేసిన నేహా శర్మ, పీయూష్ మిశ్రా నటన ప్రధాన ఆకర్షణ. డీసెంట్ గా అనిపించే ఈ వెబ్ సిరీస్ క్రైమ్ థ్రిల్లర్స్ ఇష్టపడే వారికి మంచి అనుభూతినే పంచుతుంది.

Rating: 3/5

నటీనటులు: సైయామి ఖేర్, రోషన్ మాథ్యూ, అమృతా సుభాష్, రాజ్‌శ్రీ దేశ్‌పాండే

దర్శకత్వం: అనురాగ్ కశ్యప్

నిర్మాణ సంస్థ: మంచి బాడ్ ఫిల్మ్స్

సినిమాటోగ్రఫీ: సిల్వెస్టర్ ఫోన్సెకా

నేడు లాక్ డౌన్ రివ్యూ సిరీస్ లో భాగంగా హిందీ ఫిల్మ్ చోక్డ్ ఎంచుకోవడం జరిగింది. దర్శకుడు అనురాగ్ కశ్యప్ తెరకెక్కించిన ఈ చిత్రం ఎలా ఉందో సమీక్షలో చూద్దాం…

కథాంశం ఏమిటీ?

మధ్య తరగతి గృహిణి అయిన సరిత(సయామీ ఖేర్) బ్యాంకు ఉద్యోగిగా పనిచేస్తూ ఉంటుంది.సంపాదన లేని భర్తను కలిగిన సరిత కుటుంబ పోషణ భారం మొత్తం ఒక్కటే మోస్తూ ఉంటుంది. మధ్య తరగతి ఇల్లాలిగా అనేక బాధలుపడుతున్న సరితకు అనుకోకుండా డబ్బు వచ్చి చేరుతుంది. ఒక్కసారిగా వచ్చి పడిన సంపదతో ఆనందంగా గడుపుతున్న సరిత జీవితంలో పెద్ద నోట్ల రద్దు పిడిగుపాటులా మారుతుంది. తన దగ్గర ఉన్న డబ్బు మొత్తం చెల్లని నోట్లని తెల్సిన సరిత ఆ డబ్బును ఏమి చేసింది..?ఆ డబ్బువల్ల ఆమెకు వచ్చిన ఇబ్బంది ఏమిటీ అనేది మిగతా కథ?

ఏమి బాగుంది?

మధ్యతరగతి మనుషుల అవసరాలు, అవి తీర్చుకోలేని నిస్సహాయత, డబ్బు కోసం వారి పరుగు వంటి విషయాలను డైరెక్టర్ అనురాగ్ కశ్యప్ అద్భుతంగా చూపించారు. పెద్ద నోట్ల రద్దు కారణంగా మధ్య తరగతి కుటుంబాలలో ఎదురైయ్యే సమస్యలను ప్రస్తావించిన విధానం బాగుంది.

ఇక గ్లామర్ రోల్స్ కి ఫేమస్ అయిన సయామీ ఖేర్ మధ్య తరగతి గృహిణిగా, డబ్బుకోసం ఆరాట పడే మహిళగా బలమైన కథలో అద్భుత నటనతో ఆకట్టుకున్నారు. ఈ మూవీని అన్నీ తానై నడిపించారు.

దర్శకుడు అనురాగ్ కశ్యప్ చాలా కాలం తరువాత మంచి డ్రామా, ట్విస్ట్స్ అండ్ ఎమోషన్స్ తో ఫ్యామిలీ మొత్తం కూర్చొని చూడదగ్గ మూవీ తీశారు. కెమెరా వర్క్ అండ్ బీజీఎమ్ కట్టిపడేశాయి. నిర్మాణ విలువలు ఉన్నతంగా ఉన్నాయి.

ఏమి బాగోలేదు?

నోట్ల రద్దుపై అనురాగ్ కశ్యప్ సెటైర్ కొద్దిమందికి నచ్చక పోవచ్చు. ఇక మూవీ మధ్య భాగం నెమ్మదిగాసాగుతుంది. క్లైమాక్స్ స్పష్టంగా అందరికీ అర్థమయ్యేలా ముగిస్తే ఇంకా బాగుండేది.

చివరి మాటగా

మొత్తంగా చెప్పాలంటే చోక్డ్ దర్శకుడు అనురాగ్ బెస్ట్ వర్క్ అని చెప్ప లేము కానీ డీసెంట్ డ్రామా, ఎమోషన్స్ మరియు ట్విస్ట్స్ తో చాల వరకు మంచి అనుభూతిని పంచుతుంది. లాక్ డౌన్ టైం లో ఓ సారి చూడదగ్గ చిత్రమే.

Rating: 3/5